Sumqayıt Dövlət Universitetinin 3 tədris binası, 2 yataqxanası vardır.
SDU-nun birinci tədris binası 4 mərtəbədən ibarətdir. Əsas tədris binasında 4 fakültə- Riyaziyyat, Mühəndislik, İqtisadiyyat və idarəetmə,Tarix və Coğrafiya fakültələri fəaliyyət göstərir. Tədris binasında həmçinin müasir təhsil standartlarına uyğun auditoriya və laboratoriyalar, zəngin kitabxana, müasir texnika ilə təchiz olunmuş informasiya-hesablama mərkəzi, nəşriyyat-poliqrafiya şöbəsi, iki Akt zalı da var. Əsas tədris korpusunda həmçinin İdman klubu və geniş yeməkxana tələbələrin ixtiyarındadır. Unuversitet rəhbərliyi (rektor, prorektorlar), həmçinin şöbə və mərkəzlər də birinci tədris binasında fəaliyyət göstərir.
SDU-nun ikinci tədris binasında Təbiət elmləri fakültəsi yerləşir, burada müasir təhsil standartlarına uyğun auditoriya və müasir texnika ilə təchiz olunmuş laboratoriyalar fəaliyyət göstərir. Tədris binasının ayrıca yeməkxanası mövcuddur.
SDU-nun üçüncü tədris binası Sumqayıt şəhəri,16-cı məhəllə ünvanında yerləşir. İkimərtəbəli 3-cü tədris binasında Filologiya fakültəsi və Əlavə təhsil şöbəsi fəaliyyət göstərir. Tədris binasında kitabxana və yeməkxana var. Azərbaycan Qılıncoynatma Federasiyasının nəzdində yaradılmış Sumqayıt mərkəzi də 3-cü tədris binasının İdman klubu üçün nəzərdə tutulan idman zalındadır.
Hər üç tədris binasının həyətində tələbələrin asudə vaxt keçirmələri üçün mini futbol və basketbol stadionları geniş həyətyanı sahədə şahmat döşəməsi salınıb, stolüstü tennislər quraşdırılıb.